geguritan

 Ngarit

Dening:Panut Dika Dwi Rizki

Swara jangkrik gumanti hayam
Langit peteng dadi jingga
Pratandha pratani kudu makarya
Semrawute suara emprit
Mabur ngalor-ngidul nucuk pari
           Ing mangsa udan wis teka
           Lemah-lemah padha teles
           Suket ing sawah padha njrumbul
           Kabeh lemah katutup suket kang lemu
           Srengenge wis njedhul saka sisih wetan
Para tani padha nyiapake alat kanggo ngarit
Arit-arit diasah kanthi landhep
Bagor-bagor disiapake tanpa lali
Srengenge nyloroti suket ing sawah
Suket-suket dadi ora jenes
Para tani pada ngarit ing sawah
Milih suket kang lemu lan ijo

SESORAH

SESORAH PERPISAHAN KELAS 12

Assalamualaikum Wr. Wb.

    Bapak Kepala Sekolah ingkang satuhu kula bekteni, Bapak saha Ibu Dwija ingkang satuhu kinurmatan, Bapak/Ibu wali murid inkang kula hormati, saha kanca-kanca ingkang kula tresnani.Saderengipun kula PANUT ARDIYANTO ingkang sampun kumowani munggel pangandikan ing acara perpisahan lan palepasan siswa kelas 12 SMK N 1 Bantul. Puji syukur tansah katur dhumateng Allah SWT ingkang sampun paring kanugrahan, rahmat saha hidayah dhumateng kula panjenengan sedaya, satemah ing wekdal menika kula saha panjenengan sedaya saged kempal kanthi wilujeng nir ing sambekala.

    Salajengipun, kula ingkang minangka sesulihipun panitya perpisahan lan palepasan para siswa kelas 12 SMK N 1 Bantul ngaturaken sugeng rawuh mugi-mugi rawuh panjenengan saged adamel regenging swasana. Awit saking punika kula ngaturaken gunging panuwun. Boten kesupen kula ngaturaken gunging panuwun ugi dhumateng Bapak kepala sekolah ingkang sampun paring idin palilah murih saged katindakaken sedaya adicara pengetan ambal warsa pawiyatan kita menika. Kula ugi ngaturaken gunging panuwun ingkang tanpa pepindhan dhumateng bapak saha ibu dwija sumrambah karyawan ingkang lila legawa paring eguh pratikel murih pratitising adicara punika. Boten kesupen kula ngaturaken agung panuwun dhumateng kanca-kanca panitya tanggap warsa ingkang sampun paring pambiyantu supados adicara ing kalenggahan menika saged kaleksanan. 

Bapak saha ibu sarta kadang-kadang mitra ingkang satuhu bagya mulya.

    Dene wosing gati panjenengan kasuwun rawuh ing pahargyan menika saperlu ngaturaken lan mangsulaken para siswa ingkang sampun katitipaken kangge sinau ing SMK N 1 Bantul.Mugi-mugi para siswa ingkang sampun mekdal saha lulus saking SMK N 1 Bantul bisa nerosaken ing sekolah/pawiyatan ingkang sak nduwure utawi langsung nyambut damel mugi-mugi saget sae lan ati kang seneng cita-citanipun kalampahan. Wondene ancas ingkang kinandhut mugi-mugi pahargyan punika saged dados pecuting lampah ing dinten-dinten samangke, ningkataken prestasi tuwin akhlakipun kula panjenengan sedaya mliginipun para siswa kelas 12 SMK N 1 Bantul.

Ing wasana sugeng amriksani ngantos paripurnaning adicara ing wekdal punika, lan  mbok bilih anggen kula matur kathah kalepatan kula PANUT ARDIYANTO tansah nyuwun samodra pangaksami.

Wassalammuallaikum Wr. Wb.

GEGURITAN

GOTONG ROYONG NGANGKAT DESA

Dening :Panut Ardiyanto

Para warga gotong royong ngangkat desa

Aja pijar lungguh jegang sangga banda

Nyawang kadang kang sengkut tumandang

Usung dluwang dadi mandor

Tudang-tuding ,mondhar-mandhir

            Ayo disengkud tumandang

            Raga obah desa munggah

            Dhik atak giyak-giyak nyekel seblak

            Iki adul gombal-gambul ngangkat pacul

            Ya anggit jingkat-jingkit maprasake arit

            Aja pating slebar nyenyepet netra

            Nandang gawe kinanthen ikhlasing nala

            Tanpa uwuh lan plastik pating slebar

            Ora gumun nalika desa dadi makmur

Kanthi guyup rukun ngangkat desa

Aja mikir babagan papan

Dadekna kagiyatan rutin ana desa

Irat-irit ,enom tua kabeh tumpek bleg ing desa

Sapa sira ora matu dadi isin

Ora lali donya iki dudu duwekmu lan duwekku

Nandur uwit kanggo nabung wektu sesuk

Ora bisa mbaleni wektu ,kaya sega dadi bubur.

Cariyos Pengalaman Pribadi

KLERU TIYANG KANG DERENG KENAL

         Wonten ing mriki kula badhe caryosaken babagan pangalaman ,wonten ing wektu kapungkur kula nduweni pangalaman kang ora bisa dilalekake. Nalika wektu kuwi kira-kira kadadean ing wektu Agustus .Nalika wektu kuwi kula pisanan mlebet sekolah lan kula dereng mangerteni kabeh kanca-kanca ing sekolahan. Wonten ing pangalaman menika kawiwitan kula mlebet wonten ing kelas anyar ,sabanjure kula lenggah wonten ing kursi tengah saka barisan ngarep dumugi mburi ,banjur wonten rencang anyar badhe njejeri kula ,kula banjur lenggah jejer sak meja kaliyan rencang kula kang anyar. Sawise lenggah kula banjur kenalan kaliyan jejer kula ,jejer kula niku asmanipun Ardy .sawise mangerteni jenenge kula banjur omong-omongan kaliyan Ardy, ing wektu kuwi kula gadah angen-angen ,kaya dene kula tau mriksani griyanipun Ardy lan bola-bali ketemu kaliyan Ardy. Sabanjure kula ngucapaken”Omahmu neng Kembang gedhe ta...?” Ardy banjur njawab dudu tapi griyanipun adoh amargi Ardy griyanipun saka kulon ,kula bola-bali njelasaken mbok bilih kula kerep ketemu kaliyan Ardy tapi kula dereng kenal kaliyan Ardy. Sabanjure Ardy njawab yen griyanipun dudu wonten ing mrika ,opo maneh Ardy mboten mangerteni daerah menika .Sawise niku kula kelingan mbok bilih kula salah mriksani tapi mirip kaliyan Ardy. Sawise niku kula ngakoni yen kula salah mriksani tapi mirip .Kula ngrasakaken Isin banget bilih kula sampun mboten ngandel panjelasanipun Ardy .Sawise niku kula nduweni pengetan yen mboten ngertos mboten sah ngeyel panjelasanipun saka tiyang liyane.

Tembang Macapat

TEMBANG MACAPAT

URUTANIPUN TEMBANG MACAPAT

Mijil

Kinanthi

Sinom

Asmarandana

Dhandanggula

Gambuh

Maskumambang

Dhurma

Pangkur

Megatruh

Pocung

MIJIL

Tatacara tarapan puniki

Saiki ra katon

Wis ra nate padha nindakake

Sejatine pamulangan suci

Pantes dileluri

Saking pra leluhur.

KINANTHI

Ginapura ing palengkung

Pepalang malibir mergi

Pager bubuk bebanjengan

Panjang tiga belah kaki

Pesagi cepuri pura

Perak mubeng ingkang margi.

SINOM

Awit pratala punika

Watake murah lan sugih

Kabeh kang tuwuh ing kisma

Taru lata sesotyadi

Pelikan warni-warni

Tanpa wilangan kehipun

Den-alap para janma

Dadya sandang miwah bukti

Parandene kisma tan ngesah ngresula.

                                                                                                                                    ASMARANDANA

Titah narima wus mesthi

Kadhang nglangsa ing rekasa

Manggih mulyakeh laline

Uwong urip arep apa

Ngupadi banda donya

Ati nlangsa eling luruh

Dhedhepe marang pangeran.

DHANDANGGULA

Bubar sholat aneng jroneg mesjid

Umat islam sami sesalaman

Ingapuran sing dosane

Lebura dina iku

Keh lupate marang sesame

Jinarag tan jinarag

Dosane linebur

Pan utamaning manungsa

Lamun saguh angapura mring sesame

Ing kono gunanira.

GAMBUH

Tutur bener puniku
Sayektine apantes tiniru
Nadyan metu saking wong sudra papeki
Lamun becik nggone muruk
Iku pantes sira anggo.

MASKUMAMBANG

Pitung pangkat pyambak-pyambak siksanèki

inggih tundha sapta

pangkatipun ngandhap nginggil

sapangkatnya lêlampahan.

DHURMA

Buruh nyukur yen katanggor sayid gumbal
gawe malarat masthi
lamun ndomdomana 
yen jarum iku patah
nalusup marang dariji
nggawe barah
lamun wong mandhe wesi.

PANGKUR

Mingkar-mingkuring ukara

Akarana karenan mardi siwi

Sinawung resmining kidung

Sinuba sinukarta

Mrih kretarta pakartining ilmu luhung

Kang tumrap ing tanah Jawa

Agama ageming aji.

MEGATRUH

Ngawulamu kang satuhu trusing kalbu

Buktekna jujuring piker

Mantep tekun daten mlicur

Tumemen bakal nemoni

Sira bias urip onja.

POCUNG

Seneng ngisruh tanpa jiguh lan pekewuh

Dumeh lagi kwasa

Ngunthet brana dimen sugih

Nguja hawa ngerti-ngerti mlebu kala.

                                              

            MATUR NUWUN